महाराष्ट्र शासनाची लेक लाडकी योजना काय आहे संपूर्ण माहिती जाणून घ्या
महाराष्ट्र शासनाची 'लेक लाडकी योजना' ही मुलींच्या जन्मास प्रोत्साहन देणे, त्यांचा सांभाळ, शिक्षण आणि बालविवाह रोखण्यासाठी सुरू करण्यात आलेली अत्यंत महत्त्वाकांक्षी योजना आहे. १ एप्रिल २०२३ नंतर जन्माला आलेल्या पिवळ्या व केसरी रेशनकार्डधारक कुटुंबातील मुलींना या योजनेचा थेट लाभ मिळतो.
योजनेंतर्गत मिळणारी आर्थिक मदत (एकूण ₹१,०१,०००)
मुलीच्या जन्मापासून ती १८ वर्षांची होईपर्यंत टप्प्याटप्प्याने ही रक्कम बँक खात्यात जमा केली जाते:
पहिला टप्पा (जन्म झाल्यावर): मुलीचा जन्म झाल्यावर ₹५,००० मिळतात.
दुसरा टप्पा (पहिलीत प्रवेश): मुलगी इयत्ता पहिलीत गेल्यावर ₹६,००० मिळतात.
तिसरा टप्पा (सातवीत प्रवेश): मुलगी इयत्ता सातवीत गेल्यावर ₹७,००० मिळतात.
चौथा टप्पा (अकरावीत प्रवेश): मुलगी इयत्ता अकरावीत गेल्यावर ₹८,००० मिळतात.
पाचवा टप्पा (वय १८ वर्षे पूर्ण): मुलगी १८ वर्षांची झाल्यावर तिला ₹७५,००० रोख मिळतात.
पात्रता व अटी
कुटुंब महाराष्ट्राचे रहिवासी असणे आवश्यक आहे.
कुटुंबाकडे पिवळे किंवा केसरी रेशनकार्ड असणे अनिवार्य आहे.
ही योजना १ एप्रिल २०२३ रोजी किंवा त्यानंतर जन्माला आलेल्या मुलींसाठीच लागू आहे.
१ किंवा २ मुलींपर्यंतच या योजनेचा लाभ मिळतो. (दुसऱ्या प्रसूतीच्या वेळी जुळी मुले झाल्यास आणि त्यात मुलगी असल्यास तिलाही लाभ मिळतो).
मुलगी १८ वर्षांची होईपर्यंत तिचा विवाह झालेला नसावा.
आवश्यक कागदपत्रे
आई-वडिलांचे आधार कार्ड आणि रेशनकार्ड (पिवळे/केसरी)
मुलीचा जन्म दाखला (Birth Certificate)
आई-वडिलांचा उत्पन्नाचा दाखला
बँकेच्या passbook ची प्रत (आई किंवा मुलीचे खाते)
आई-वडिलांचे कुटुंब नियोजनाचे प्रमाणपत्र (दुसऱ्या अपत्याच्या वेळी)
पासपोर्ट साईज फोटो आणि मोबाईल नंबर
अर्ज कसा करावा?
या योजनेचा अर्ज ऑफलाईन पद्धतीने भरता येतो:
तुमच्या क्षेत्रातील अंगणवाडी सेविका, ग्रामपंचायत, किंवा महिला व बालविकास अधिकारी कार्यालयाशी संपर्क साधावा.
तिथून 'लेक लाडकी योजनेचा' अर्ज घेऊन तो व्यवस्थित भरावा.
अर्जासोबत वरील सर्व आवश्यक कागदपत्रे जोडून अंगणवाडी सेविकेकडे किंवा बाल विकास प्रकल्प अधिकारी (CDPO) कार्यालयात जमा करावेत.
आतापर्यंत २.९८ लाखांहून अधिक मुलींना लाभ मिळाला आहे
सरकारने दिलेल्या आकडेवारीनुसार, आतापर्यंत या योजनेअंतर्गत लेक लडकी योजनेचा पहिला हप्ता २,९८,६९५ पेक्षा जास्त लाभार्थ्यांना देण्यात आला आहे.
प्रक्रिया सोपी आणि डिजिटल झाल्यामुळे, अर्ज जलद आणि पारदर्शक होतील, जेणेकरून राज्यातील इतर लाखो पात्र मुलींनाही कोणत्याही त्रासाशिवाय याचा लाभ घेता येईल.
Edited By - Priya Dixit
