संबंधित माहिती
- पीव्ही सिंधूची प्रभावी कामगिरी, एकतर्फी विजयासह उपांत्य फेरी गाठली
- आन से-यंगकडून पराभूत होऊन सिंगापूर ओपनच्या उपांत्यपूर्व फेरीत पीव्ही सिंधूचा प्रवास संपुष्टात
- पीव्ही सिंधूने सिंगापूर ओपनमध्ये विजयाने सुरुवात केली
- Badminton Asian Championships पीव्ही सिंधू आणि एचएस प्रणॉय विजयी, लक्ष्य आणि किदाम्बी यांचा पराभव
- दुबईमध्ये अडकलेली पीव्ही सिंधू आता भारतात परतली, पोस्ट शेअर केली
पीव्ही सिंधूने जागतिक क्रमवारीत पाचव्या क्रमांकावर असलेल्या हानला पराभूत केले
दोन वेळची ऑलिम्पिक पदक विजेती पीव्ही सिंधूने गुरुवारी जपान ओपन सुपर 750 बॅडमिंटन स्पर्धेच्या उपांत्यपूर्व फेरीत प्रवेश केला. तिने चीनच्या जागतिक क्रमवारीत पाचव्या क्रमांकावर असलेल्या हान यूला सरळ गेममध्ये पराभूत केले आणि या हंगामातील आपली सर्वोत्तम कामगिरी केली.
जागतिक क्रमवारीत १० व्या क्रमांकावर असलेल्या भारतीय खेळाडूने दुसऱ्या फेरीच्या सामन्यात, उच्च मानांकित चिनी खेळाडूचा अवघ्या ३५ मिनिटांत २१-१६, २१-१४ असा पराभव केला. बिनमानांकित सिंधूने संथ सुरुवात केल्यानंतर, पहिल्या गेमच्या मध्यावर आपला लय पकडला. तिने शटल अचूकपणे मारले आणि रॅलींवर वर्चस्व गाजवून आघाडी घेतली. त्यानंतर या माजी विश्वविजेत्या खेळाडूने दुसऱ्या गेमवर पूर्णपणे वर्चस्व गाजवले आणि ८-० अशी आघाडी घेऊन सामना सहज जिंकला.
या विजयामुळे सिंधूने हानविरुद्धचा आपला विक्रम ८-१ असा सुधारला आहे. ही ३१ वर्षीय खेळाडू आता जपानच्या नोझोमी ओकुहाराचा सामना करेल, जिला अव्वल मानांकित दक्षिण कोरियन खेळाडू आन से-यंगने दुसऱ्या फेरीच्या सामन्यातून माघार घेतल्यामुळे वॉकओव्हर मिळाला आहे.
मिश्र दुहेरीतील तनिषा क्रास्टो आणि ध्रुव कपिला ही जोडी उपांत्यपूर्व फेरीतच स्पर्धेतून बाहेर पडल्याने, आता स्पर्धेत फक्त सिंधू हीच भारतीय खेळाडू शिल्लक राहिली आहे. भारतीय जोडी तनिषा आणि ध्रुव यांना अव्वल मानांकित चिनी जोडी फेंग यान झे आणि हुआंग डोंग पिंग यांच्याकडून ४७ मिनिटांत २०-२२, १७-२१ असा पराभव पत्करावा लागला.
Edited By - Priya Dixit
