मुंबईतील मालाडमध्ये मोठी दंगल! दोन गटांमध्ये जोरदार संघर्ष; पोलीस बंदोबस्त तैनात करण्यात आला
मुंबईतील मालाड पूर्वमध्ये दंगल! संतोष नगर मार्केटमध्ये दोन गटांमध्ये हिंसक संघर्ष, पोलिसांनी लाठीचार्ज केला. माजी नगरसेवक विनोद मिश्रा यांनी पोलिसांवर गंभीर आरोप केले आहे.
मुंबईतील मालाड पूर्वमधील दिंडोशी पोलीस ठाण्याच्या हद्दीतील संतोष नगर मार्केटमध्ये रविवारी दोन गटांमध्ये हिंसक संघर्ष आणि झटापट झाली. या घटनेमुळे परिसरात गोंधळ निर्माण झाला आणि परिस्थिती नियंत्रणात आणण्यासाठी मोठा पोलीस बंदोबस्त तैनात करावा लागला.
प्रत्यक्षदर्शींच्या मते, एका मुद्द्यावरून दोन गटांमधील वाद विकोपाला जाऊन त्याचे रूपांतर हाणामारी आणि शारीरिक हिंसाचारात झाले. घटनेची माहिती मिळताच दिंडोशी पोलीस अधिकारी घटनास्थळी दाखल झाले आणि त्यांनी जमावाला शांत करण्याचा प्रयत्न केला. मात्र, जमाव हिंसक झाल्याने आणि त्यांनी पोलिसांच्या इशाऱ्यांकडे दुर्लक्ष केल्याने परिस्थिती चिघळली.
मिळालेल्या माहितीनुसार, परिस्थिती नियंत्रणात आणण्यासाठी पोलिसांना सौम्य बळाचा वापर करावा लागला. या घटनेत एक तरुण गंभीर जखमी झाला असून त्याला उपचारासाठी रुग्णालयात दाखल करण्यात आले आहे. पोलिसांनी सांगितले की, सध्या परिस्थिती नियंत्रणात आहे, परंतु कोणतीही अनुचित घटना टाळण्यासाठी खबरदारी म्हणून संपूर्ण परिसरात मोठा पोलीस बंदोबस्त तैनात करण्यात आला आहे.
Edited By- Dhanashri Naik
