मुंबईत रात्री मुसळधार पावसाची हजेरी

Publish: Wed, 9 Oct 2019 (11:07 IST) Updated: Wed, 9 Oct 2019 (11:35 IST)

मुंबई शहर, मुंबई उपनगर, ठाणे, नव मुंबईसह परिसरात जोरदार पावसानं हजेरी लावली. मुंबईतल्या चिंचपोकळी, मुंबई सेंट्रल, सायन, मुलुंड, भांडुप, बोरिवली या भागात विजांच्या कडकडाटासह पाऊस पडला. अचानक आलेल्या पावासमुळं कामावरून परतणाऱ्या मुंबईकरांची तारांबळ उडाली.

रात्री साडेनऊ वाजण्याच्या सुमारास पावसानां मुंबई आणि परिसरात सुरुवात केली. अनेक ठिकाणी सुमारे तास-दीड तास सलग सुरू राहिला.

ठाण्यात सोसाट्या वाऱ्यासह पाऊस आल्यानं शहरात दोन ठिकाणी झाडं कोसळण्याच्या घटना घडल्या. कल्याण-डोंबिवली भागात वीज पुरवठा खंडीत झाला होता.

नवरात्रोत्सवाची सांगता होत असताना, विसर्जन मिरवणुका सुरू होत्या. त्यामुळं अचानक आलेल्या पावसानं या मिरवणुकांनाही फटका बसल्याचं चित्र पाहायला मिळालं.