छत्रपती संभाजीनगरमध्ये अपघाताचा भयानक थरार! भरधाव कंटेनर थेट मिरवणुकीत; १४ जण गंभीर, २ ठार

Download

Published By: धनश्री नाईक

Updated: Tue, 15 Sep 2026 (10:54 IST)

छत्रपती संभाजीनगर येथे गणेशोत्सवादरम्यान एक भीषण रस्ते अपघात झाला यामध्ये दोन जणांचा मृत्यू झाला आणि १२ जण जखमी झाले हा भीषण अपघात काल सकाळी छत्रपती संभाजीनगरच्या चितेपिंपळगाव-कर्माड मार्गावर घडला.  

मिळालेल्या माहितीनुसार छत्रपती संभाजीनगरमध्ये गणेश स्थापनेच्या मिरवणुकीत एक भीषण आणि थरारक अपघात झाला आहे, जिथे एका भरधाव कंटेनरने मिरवणुकीतील तब्बल १४ जणांना चिरडले. या दुर्दैवी घटनेत २ जणांचा मृत्यू झाला असून एका चिमुरड्यासह १२ जण गंभीर जखमी झाले आहे. मिरवणूक मार्गावर असतानाच अचानक एक अनियंत्रित व भरधाव कंटेनर थेट गर्दीत घुसला आणि त्याने १४ जणांना चिरडले. यामुळे आनंदाचे वातावरण क्षणात आक्रोशात बदलले. हा अपघात पिंपीराजा गावाजवळ चित्तेपिंपळगाव-करमद रस्त्यावर झाला, जिथे गणेश आगमन मिरवणूक काढण्यात येत होती. भरधाव वेगाने येणाऱ्या एका अनियंत्रित कंटेनर ट्रकने मिरवणुकीला धडक दिली, ज्यात अनेक लोक जखमी झाले. कंटेनर चालकाने चौकशीदरम्यान सांगितले की, वाहनाचे ब्रेक निकामी झाल्यामुळे हा भीषण अपघात घडला. स्थानिक पोलीस या प्रकरणाचा सखोल तपास करत आहे.

Edited By- Dhanashri Naik