संबंधित माहिती
- परप्रांतीय मजूर, कामगार राज्यात पुन्हा परतण्यास सुरुवात
- पोलिसांवर हल्ल्यांच्या २१८ घटना; ७७० व्यक्तींना अटक – गृहमंत्री अनिल देशमुख यांची माहिती
- केंद्राकडे केंद्रीय सशस्त्र पोलीस दलाची मागणी
- राज्याच्या कारागृहातील सतरा हजार कैद्यांना सोडणार – गृहमंत्री अनिल देशमुख
- कोविड संदर्भात राज्यात आतापर्यंत १ लाख गुन्हे दाखल – गृहमंत्री अनिल देशमुख यांची माहिती
पतंजलीच्या कोरोनिलला महाराष्ट्रातही झटका
पतंजलीच्या कोरोनिलला महाराष्ट्रात महाराष्ट्रात बंदी घालण्यात आली आहे. राज्याचे गृहमंत्री अनिल देशमुख यांनी या संदर्भात ट्विट केलं आहे.
जयपूरच्या नॅशनल इन्स्टिट्युट ऑफ मेडिकल सायन्सनं क्लिनिकल ट्रायल घेतली का याची माहिती घेण्यात येईल असं सांगतानाच देशमुख यांनी नकली औषधांना महाराष्ट्रात विकण्यास परवानगी मिळणार नाही असं स्पष्ट केलं आहे.
बाबा रामदेव यांनी कोरोनावर यशस्वी औषध शोधल्याचा दावा केला होता. पंतजली योगपीठानं हे औषध तयार केलं असून मंगळवारी ते लाँच करण्यात आलं. मात्र, बाजारात आणण्याआधीच केंद्र सरकारनं या औषधाच्या विक्रीला विरोध केला होता.
बाबा रामदेव यांच्या पतंजलीनं आयुर्वेद विभागाकडून केवळ ताप, खोकला व रोग प्रतिकारक शक्ती वाढवण्याच्या औषधाचीच परवानगी घेतली होती, अशी माहिती समोर आली होती. हे औषध लाँच झाल्याच्या काही तासांतच केंद्रीय आयुष मंत्रालयानं त्याच्या जाहिराती बंद करण्याचे आदेश जारी केले होते.
The National Institute of Medical Sciences, Jaipur will find out whether clinical trials of @PypAyurved's 'Coronil' were done at all. An abundant warning to @yogrishiramdev that Maharashtra won't allow sale of spurious medicines. #MaharashtraGovtCares#NoPlayingWithLives
— ANIL DESHMUKH (@AnilDeshmukhNCP) June 24, 2020
आता महाराष्ट्रातही या औषधाच्या विक्रीला परवानगी नाही असं स्पष्ट करण्यात आलं आहे.
