मुंबईत, पुढील 24 तासांत मुसळधार पावसाचा आयएमडी कडून अलर्ट जारी
हवामान खात्याने पुढील 24 तास मुंबईत मध्यम पावसाचा इशारा जारी केला आहे. बीएमसी पावसाळी परिस्थितीवर लक्ष ठेवून आहे. लोकांना सतर्क राहण्याचा सल्ला देण्यात आला आहे.
शुक्रवारी सकाळपासून आकाश ढगाळ आहे आणि भारतीय हवामान विभागाने (IMD) पुढील २४ तासांत महानगर आणि उपनगरात मध्यम पावसाचा इशारा दिला आहे.
मुंबईला पाणीपुरवठा करणाऱ्या 7 तलावांपैकी 6 तलाव आतापर्यंत पूर्णपणे भरले आहेत, असे बीएमसी अधिकाऱ्यांनी सांगितले. पाऊस सुरू असल्याने सध्या पाणीपुरवठ्याचे कोणतेही संकट नाही.
खराब हवामानात नागरिकांना अनावश्यकपणे घराबाहेर पडू नये असा सल्ला बीएमसी आणि आपत्ती व्यवस्थापन विभागाने दिला आहे. शाळा आणि महाविद्यालय प्रशासनालाही सतर्क राहण्याच्या सूचना देण्यात आल्या आहेत. हवामान खात्याने पावसाची तीव्रता वाढण्याची शक्यता वर्तवल्याने पुढील 24 तास मुंबईकरांसाठी महत्त्वाचे मानले जात आहेत.
या मान्सूनमधील सर्वात जास्त पाऊस 19 ऑगस्ट रोजी नोंदला गेला, जेव्हा मुंबईत अवघ्या 11 तासांत 200 मिमी पेक्षा जास्त पाऊस पडला. तेव्हापासून पावसाचा वेग मंदावला आहे, परंतु आता पुन्हा हवामान खात्याने नागरिकांना सतर्क राहण्याचा सल्ला दिला आहे.
Edited By - Priya Dixit
