1. मनोरंजन
  2. भटकंती
  3. माझा महाराष्ट्र
  4. Visiting Vitthal Temples in Konkan on Kartiki Ekadashi

कार्तिकी एकादशीला पंढरपूरला जाणे शक्य नसल्यास कोकणातील प्रसिद्ध विठ्ठल-रुक्मिणी मंदिरांना भेट देऊन दर्शन घ्या

Ai Image
Maharashtra Tourism : कार्तिकी एकादशी (प्रबोधिनी एकादशी) ही विठ्ठल भक्तांसाठी खास असते. पंढरपूरला जाणे शक्य नसल्यास कोकणातील स्थानिक विठ्ठल-रुक्मिणी मंदिरांना भेट देऊन दर्शन घेता येते. कोकणातही विठ्ठल भक्तीची परंपरा जुनी आहे. आज आपण कोकणातील काही महत्त्वाची आणि प्रसिद्ध विठ्ठल मंदिरे पाहणार आहोत जिथे तुम्ही नक्कीच भेट देऊ शकतात. 
 
रत्नागिरी विठ्ठल-रखुमाई मंदिर
रत्नागिरी शहरातील जुन्या बाजारपेठेत विठ्ठल-रखुमाई मंदिर आहे. या मंदिराला  ऐतिहासिक महत्त्व लाभलेले आहे हे स्वातंत्र्यवीर सावरकरांच्या चळवळीशी संबंधित आहे 
कार्तिकी एकादशीला येथे पालखी सोहळा आणि विशेष महापूजा होते. तसेच कोकणातील भाविकांसाठी महत्त्वाचे श्रद्धास्थान मानले जाते.
 
सावंतवाडी विठ्ठल-रुक्मिणी मंदिर (सिंधुदुर्ग)
सावंतवाडी येथे “प्रतिपंढरपूर” म्हणून ओळखले जाते. सावंतवाडी येथील विठ्ठल-रुक्मिणी मंदिर१८व्या शतकातील असून या मंदिराचे वैशिष्ट्य म्हणजे १३० फूट उंच आणि नऊ स्तरांचे अनोखे शिखर होय. तसेच सुंदर वास्तुकला आणि शांत वातावरण करिता हे मंदिर प्रसिद्ध आहे.
 
साजगाव-ताकई विठ्ठल-रुक्मिणी मंदिर (रायगड)
खोपोलीजवळ डोंगरावर वसलेले साजगाव-ताकई विठ्ठल-रुक्मिणी मंदिर हे “धाकटी पंढरी” किंवा “बोंबल्या विठोबा” म्हणून प्रसिद्ध आहे. या मंदिराचा संबंध संत तुकाराम महाराजांच्या वास्तव्याशी संबंधित असल्याचे सांगितले जाते. कार्तिकी एकादशीला येथे १०-१५ दिवस मोठी यात्रा भरते. भजन-कीर्तन, महाप्रसाद आणि गर्दी असते.
 
रेवसाबंदर / गुहागर परिसरातील प्राचीन विठ्ठल-रखुमाई मंदिर
गुहागर तालुक्यातील रेवसाबंदर येथे प्राचीन विठ्ठल-रखुमाई मंदिर आहे. हे मंदिर स्थानिक वारकरी परंपरेशी जोडलेले आहे. कोकणात आषाढीच्या वेळी पावसामुळे पंढरपूरला जाणे कठीण असल्याने अनेक ठिकाणी स्थानिक विठ्ठल मंदिरे उभारण्यात आली. तसेच कार्तिकी एकादशीला अनेक मंदिरांमध्ये विशेष पूजा, पालखी आणि नामजप होतात.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.
पुढील लेख
अक्षय कुमारचा शत्रू यावेळी माणूस नसून एक एलियन असेल! 'समूक'चा थरारक फर्स्ट लूक प्रदर्शित झाला