संबंधित माहिती
- अक्षय कुमार आणि सैफ अली खान यांचा 'हैवान'मधील फर्स्ट लूक समोर आला; चित्रपट या दिवशी प्रदर्शित होणार
- अभिनेते अतुल कुलकर्णी सोनम वांगचुकच्या समर्थनार्थ एक दिवसाचे उपोषण करणार
- 'थ्री इडियट्स' मधील चतुर म्हणाला, 'फुन्सुक वांगडू'ला मरू देऊ नका'
- 'भूल भुलैया ४' मध्ये पुन्हा एकदा 'रुह बाबा' दिसणार; कार्तिक आर्यनचे पुनरागमन होणार
- प्रसिद्ध गायक कुमार सानूच्या मुलाला कोविड-१९ ची लागण
बिग बॉस २० ची घोषणा, सलमान खान पुन्हा एकदा सूत्रसंचालन करणार
बिग बॉस २० ची अधिकृत घोषणा करण्यात आली आहे. सलमान खान पुन्हा एकदा सूत्रसंचालन करणार आहे. हा शो सप्टेंबरमध्ये सुरू होईल आणि हिंदीसह सहा भाषांमध्ये एकाच वेळी प्रसारित केला जाईल.
टीव्हीवरील सर्वात लोकप्रिय रिॲलिटी शो, "बिग बॉस," चा २० वा सीझन लवकरच येत आहे. शोच्या निर्मात्यांनी "बिग बॉस २०" ची अधिकृत घोषणा केली आहे, ज्यामुळे चाहत्यांमध्ये उत्साहाचे वातावरण निर्माण झाले आहे. जिओ हॉटस्टारने सोशल मीडियावर एक पोस्ट शेअर केली आहे.
प्रत्येक सीझनप्रमाणे, बॉलिवूड सुपरस्टार सलमान खान हिंदी आवृत्तीचे सूत्रसंचालन करणार आहे. सलमानचे दमदार सूत्रसंचालन आणि त्याचे "वीकेंड का वार" एपिसोड नेहमीच शोचे मुख्य आकर्षण राहिले आहे. दरम्यान, इतर भाषांमधील आवृत्त्यांमध्ये, मोहनलाल मल्याळम आवृत्तीचे, नागार्जुन तेलगू आवृत्तीचे, विजय सेतुपती तमिळ आवृत्तीचे, किच्चा सुदीप कन्नड आवृत्तीचे आणि सौरव गांगुली बंगाली आवृत्तीचे सूत्रसंचालन करतील.
यावेळी सलमान खानच्या 'बिग बॉस २०' मध्ये कोण दिसणार आहे, याबद्दल अनेक नावे समोर येत आहे.
यावेळी 'बिग बॉस' पूर्वीपेक्षा अधिक मोठा आणि भव्य असणार आहे. निर्मात्यांनी शोच्या सहा भाषांमधील आवृत्त्या एकाच वेळी सुरू करण्याचा निर्णय घेतला आहे: हिंदी, तमिळ, तेलगू, कन्नड, मल्याळम आणि बंगाली. हा शो सप्टेंबर २०२६ मध्ये प्रसारित होण्यास सुरुवात होईल. प्रेक्षक तो कलर्स वाहिनीवर आणि जिओ हॉटस्टार या ओटीटी प्लॅटफॉर्मवर पाहू शकतील.
Edited By- Dhanashri Naik
