संबंधित माहिती
- अती पाण्याचे व रासायनिक शेतीप्रधान नगदी पीक घेणाऱ्यांनी नगदी अनुदान सोडावे -किशोर तिवारी
- राज्यपालांच्या अभिभाषणावर विरोधी पक्षांचा बहिष्कार
- मुंबईला अतिदक्षेचा इशारा, रेल्वे सुरक्षा व्यवस्थेत वाढ
- 'त्या' युवासैनिकांची आदित्य ठाकरे यांच्याकडून हकालपट्टी
- युवा सेनेचे प्रताप जम्मू काश्मीर येथील विद्यार्थ्यांना जबर मारहाण
मुंबईत गुंडांच्या गोळीबारात नागरिकांना जेरीस आणणारा बिल्ला ठार
मुंबई आर्थिक राजधानीतील कुर्ला येथील हलवा पूल परिसरात पूर्ववैमनस्यातून जानू पवार उर्फ बिल्ला या गुंडाची गोळ्या घालून हत्या केली गेली आहे. दिवसाढवळ्या ही घटना घडली आहे. यामुळे परिसरात तणावाचं वातावरण निर्माण झाले होते. मारेकऱ्यांची ओळख पटली असून विनोबा भावे नगर पोलिसांनी बिल्लाचा सावत्र भाऊ विनोद पवार याला ताब्यात घेतले आहे.
कुर्ल्यातील विनोबा भावे परिसरात बिल्लाची मोठी दहशत होती तो येथील मोठा गुंड होता. बिल्ला हा नागरिकांना धमकावणं, त्यांना मारहाण करणं या सारख्या अनेक गुन्ह्यांची नोंद मुंबईतल्या विविध पोलीस ठाण्यात होती. तर एका दुसऱ्या टोळीसोबत त्याचा जोरदार वाद देखील सुरू होता. काही दिवसांपूर्वीच तुरुंगातून बिल्ला जामीनावर बाहेर आला होता. सकाळी बिल्ला हलवा पूल येथून जात असताना दुचाकीहून आलेल्या दोघांनी त्याच्यावर दोन गोळ्या झाडल्या होत्या, रक्ताच्या थारोळ्यात पडलेल्या बिल्लाला जमावाने तातडीने रिक्षातून सायन रुग्णालयात नेले. मात्र उपचारादरम्यान त्याचा मृत्यू झाला आहे. पोलिस पुढील तपास करत असून नेमके कारण शोधत आहेत.
