राष्ट्रपती द्रौपदी मुर्मू आज ६६ पद्म पुरस्कार प्रदान करणार
राष्ट्रपती द्रौपदी मुर्मू सोमवारी राष्ट्रपती भवनाच्या प्रजासत्ताक पॅव्हेलियनमध्ये आयोजित २०२६ सालातील पहिल्या नागरी पुरस्कार प्रदान सोहळ्यात ६६ पद्म पुरस्कार प्रदान करतील. या सोहळ्याला उपराष्ट्रपती सी.पी. राधाकृष्णन, पंतप्रधान नरेंद्र मोदी आणि केंद्रीय गृहमंत्री अमित शाह यांच्यासह अनेक मान्यवर उपस्थित राहणार आहे. या वेळी दोन पद्मविभूषण, सहा पद्मभूषण आणि ५८ पद्मश्री पुरस्कार प्रदान केले जातील.
२०२६ सालासाठी एकूण १३१ पद्म पुरस्कारांना मंजुरी देण्यात आली आहे, ज्यात पाच पद्मविभूषण, १३ पद्मभूषण आणि ११३ पद्मश्री पुरस्कारांचा समावेश आहे. उर्वरित पुरस्कार नंतर होणाऱ्या दुसऱ्या सोहळ्यात प्रदान केले जातील. पद्म पुरस्कारांची घोषणा दरवर्षी प्रजासत्ताक दिनी केली जाते. हे सन्मान कला, विज्ञान, साहित्य, वैद्यकशास्त्र, क्रीडा, समाजकार्य, लोकसेवा आणि उद्योग यांसारख्या विविध क्षेत्रांतील योगदानाबद्दल दिले जातात. यावर्षी, असामान्य कामगिरी करणाऱ्या सामान्य व्यक्तींचा सन्मान केला जात आहे.
Edited By- Dhanashri Naik
