संबंधित माहिती
- ट्रिपल तलाकविरोधात पहिला मोर्चा काढणारा समाजसुधारक: हमीद दलवाई
- समुद्वारात वाहून जाणारे पाणी पूर्वेकडे महाराष्ट्रात वळविणारा राज्यातील पहिला देवसाने (मांजरपाडा) प्रकल्प पूर्ण
- सचिन अहिर शिवसेना प्रवेश, अजित पवार जयंत पाटील यांचे मत हे मत केले व्यक्त
- वंचित बहुजन आघाडीच्या जिल्हा अध्यक्षावर गुन्हा नोकरीचे आमिष लाखो रुपयांची फसवणूक
- म्हणून चक्क कारचे लाईट लावून मृतदेहावर अंत्यसंस्कार केले
मुथूट दरोडा हत्या प्रकरण : परप्रांतीय गुन्हेगारास बिहार येथून अटक
दोन महिन्यांपूर्वी नाशकातील उंटवाडी येथील मुथूट फायन्सासच्या कार्यालयात लुटीच्या इराद्याने घुसून प्रतिकार करणाऱ्या सॉफ्टवेअर अभियंत्यांची गोळ्या घालून हत्या करणा-या मुख्य सुत्रधाराच्या पोलिसांनी बिहारमधून मुसक्या आवळल्या आहेत. या गुन्ह्यात यापुर्वीच पोलिसांनी दोघांना अटक केल्याने या गुन्ह्यातील अटक आरोपींची संख्या तीनवर पोहोचली आहे.
आकाशसिंग विजय बहाद्दरसिंग राजपुत असे या मुख्य सुत्रधाराचे नाव असून, त्याला बिहार येथून ताब्यात घेण्यात आले आहे. घटना घडल्यापासून आरोपी अनेक राज्यात पोलिसांना चकमा देत फिरत होता. प्रत्येक वेळी मोबाईलचे सीम कार्ड बदलत असल्यामुळे त्याचे लोकेशन काढणे पोलिसांना अवघड झाले होते. दोन दिवसांपुर्वीच तो त्याची स्विफ्ट डिझायर कार (क्रमांक बी.आर. ३१ एस. ५४८८) घेण्यासाठी येणार असल्याची पक्की खबर पोलिसांना मिळाली होती त्यावरून पोलिसांनी बिहार मध्ये गेल्या पंधरा दिवसांपासून तळ ठोकला होता. पोलिसांनी त्याला ताब्यात घेतले असून त्याच्या ताब्यातून सहा सीम कार्ड व कार जप्त करण्यात आली आहे.
संशयित आकाशसिंग यानेच मुथूट फायनान्सच्या कार्यालयात अभियंता सॅम्युअल याच्यावर गोळी झाडली होती. दोन महिन्यांपूर्वी झालेल्या या गुन्ह्याच्या तपासासाठी अंबडचे वरिष्ठ पोलीस निरीक्षक श्रीपाद परोपकारी यांचे मार्गदर्शनाखाली पोलीस उपनिरीक्षक तुषार चव्हाण यांचेसह अंबड पोलीस ठाण्याचे कर्मचारी व युनिटचे सहाय्यक पोलीस आयुक्त आर.आर.पाटील यांचे पथक ९ जुलै रोजी बिहारला गेले होते.दोन महिन्यांनंतर मुख्य सुत्रधाराला पकडण्यात पोलिसांना यश आले आहे.
