Delhi Blast स्फोटानंतर दिल्लीसह अनेक शहरांमध्ये हाय अलर्ट; गृहमंत्री अमित शहा यांनी उच्चस्तरीय बैठक घेतली

खबरदारीचा उपाय म्हणून, दिल्ली मेट्रोच्या लाल किल्ला स्थानकाचे गेट १ आणि ४ बंद करण्यात आले आहे. तसेच लाल किल्ल्याकडे जाणारे सर्व मार्ग बंद करण्यात आले असून लाल किल्ला जनतेसाठी बंद करण्यात आला आहे. फॉरेन्सिक पथके घटनास्थळाची चौकशी करत आहे. अशी माहिती समोर आली आहे.

मिळालेल्या माहितीनुसार दिल्लीत सोमवारी संध्याकाळी झालेल्या स्फोटानंतर, दिल्लीसह देशभरातील अनेक शहरांमध्ये हाय अलर्ट जारी करण्यात आला आहे. केंद्रीय गृहमंत्री अमित शहा यांनी दिल्लीत उच्चस्तरीय बैठक घेतली. केंद्रीय गृह सचिव गोविंद मोहन, गुप्तचर विभागाचे संचालक तपन डेका, दिल्लीचे पोलिस आयुक्त सतीश गोलचा आणि एनआयएचे डीजी सदानंद वसंत यांच्यासह अनेक उच्च अधिकारी बैठकीला उपस्थित होते. जम्मू आणि काश्मीरचे डीजीपी नलिन प्रभात हे देखील आभासी पद्धतीने बैठकीत सहभागी झाले. बैठकीदरम्यान, उच्च अधिकाऱ्यांनी दिल्ली स्फोटानंतरच्या परिस्थितीचे सविस्तर सादरीकरण केले. अधिकाऱ्यांनी सांगितले की, सोमवारी संध्याकाळी लाल किल्ला मेट्रो स्थानकाजवळील ट्रॅफिक सिग्नलवर एका संथ गतीने चालणाऱ्या कारचा स्फोट झाला, ज्यामध्ये १२ जणांचा मृत्यू झाला आणि अनेक वाहने जळाली.

दिल्लीत झालेल्या कार स्फोटानंतर गृहमंत्री अमित शहा यांनी सोमवारी रात्री घटनास्थळाला भेट दिली. तसेच खबरदारी म्हणून, दिल्ली मेट्रोच्या लाल किल्ला मेट्रो स्टेशनचे गेट १ आणि ४ बंद करण्यात आले आहे. लाल किल्ल्याकडे जाणारे सर्व मार्ग बंद करण्यात आले आहे आणि लाल किल्ल्यामध्ये सार्वजनिक प्रवेश प्रतिबंधित करण्यात आला आहे.  
Edited By- Dhanashri Naik