'प्रपोज डे' निमित्त मनातील भावना व्यक्त करित या 'स्पेशल' डिश तुमच्या जोडीदारासाठी नक्की ट्राय करा
रेड वेलव्हेट हार्ट कुकीज
प्रेम व्यक्त करण्यासाठी 'हार्ट शेप' पेक्षा उत्तम काहीच नाही!
साहित्य
१.५ कप मैदा
१/२ कप लोणी
३/४ कप साखर
१ चमचा कोको पावडर
लाल फूड कलर
व्हॅनिला इसेन्स
कृती
सर्वात आधी लोणी आणि साखर फेटून घ्या. त्यात मैदा, कोको पावडर आणि लाल रंग मिसळून पीठ तयार करा. हे पीठ लाटून हार्ट शेपच्या कटरने कुकीज कापून घ्या. १८० अंश सेल्सिअसवर १०-१२ मिनिटे बेक करा.आता कुकीजवर पांढऱ्या चॉकलेटने जोडीदाराचे नाव किंवा 'Marry Me?' असं लिहू शकता.
स्ट्रॉबेरी लव्ह शॉट
हे दिसायला अतिशय स्टायलिश आणि रिफ्रेशिंग आहे.
साहित्य
ताज्या स्ट्रॉबेरीज
१ चमचा साखर
लिंबाचा रस
पुदिना
सोडा किंवा स्प्राइट
कृती
सर्वात आधी ५-६ स्ट्रॉबेरीज आणि साखर मिक्सरमध्ये बारीक करून प्युरी बनवा. एका ग्लासमध्ये ही प्युरी, लिंबाचा रस आणि पुदिना टाका. वरून थंडगार सोडा ओता. आता ग्लासच्या कडेला एक स्ट्रॉबेरी कापून लावा.
चॉकलेट स्ट्रॉबेरी 'प्रपोज' बुके
हे बनवायला सर्वात सोपे पण सर्वात प्रभावी आहे.
साहित्य
मोठ्या ताज्या स्ट्रॉबेरीज
डार्क चॉकलेट किंवा व्हाईट चॉकलेट
कृती
सर्वात आधी चॉकलेट डबल बॉयलर पद्धतीने विरघळवून घ्या. स्ट्रॉबेरी धुवून कोरडी करा आणि विरघळलेल्या चॉकलेटमध्ये अर्धी बुडवा. एका बटर पेपरवर ठेवून फ्रिजमध्ये १० मिनिटे सेट करा. या स्ट्रॉबेरीज एका सुंदर बॉक्समध्ये सजवून देताना मध्यभागी एखादी छोटी चिठ्ठी किंवा रिंग ठेवू शकता.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
Edited By- Dhanashri Naik
