संबंधित माहिती
- गांगुलीने केलं मराठमोळ्या अजिंक्य रहाणेचं कौतुक
- Flipkartची Big Saving Days Sale आजपासून सुरू होत आहे, मोबाईल, टीव्ही, लॅपटॉपसह या उत्पादनांवर 40-70% सूट
- हाथरस : प्रसार माध्यमांना प्रवेशास मज्जाव, तृणमूलचे डेरेक ओब्रायन यांनाही पोलिसांची धक्काबुक्की
- मास्क नसल्यास बेस्ट, टॅक्सी आणि रिक्षात प्रवेश नाही
- कुलभूषण जाधव यांना भारतीय दुतावासातील अधिकारी भेटणार
भारतीय चाहत्यांना मिळणार क्रिकेट स्टेडियममध्ये प्रवेश
50 टक्के दर्शकांना प्रवेश देण्यावर विचार
पुढील महिन्यात भारत आणि इंग्लंड यांच्यात कसोटी मालिका सुरू होणार असून ही मालिका स्टेडियममध्ये जाऊन पाहता येईल. ऑस्ट्रेलियात ज्याप्रमाणे मैदानात काही प्रमाणात प्रेक्षकांना परवानगी देण्यात आली होती. त्याप्रमाणे भारतात देखील दिली जाऊ शकते.
बीसीसीआयच्या एका वरिष्ठ अधिकार्या ने दिलेल्या माहितीनुसार इंग्लंडविरुद्ध चेपॉक आणि मोटेरा स्टेडियमवर होणार्या कसोटी मालिकेत मैदानाच्या एकूण क्षमतेच्या 50 टक्के दर्शकांना प्रवेश देण्यावर विचार सुरू आहे. पाच फेब्रुवारीपासून सुरू होणार्या या मालिकेतील पहिले दोन सामने चेन्नईत होणार आहेत. या नंतरचे दोन अहमदाबाद येथे होतील.
सध्या तरी आम्ही 50 टक्के प्रेक्षकांना परवानगी देऊ शकतो. याबाबत दोन्ही संघ आणि आरोग्य अधिकारी यांच्याशी चर्चा करत आहे. कोरोना रुग्णांची संख्या आणि चेन्नई तसेच अहमदाबाद येथील रुग्णांची संख्या अधिक असल्यास निर्णय बदलला जाऊ शकतो. आवश्यक ती काळजी घेऊन 50 टक्के परवानगी दिली जाऊ शकते.
इंग्लंडविरुद्धत्या मालिकेत जर प्रेक्षकांना स्टेडियममध्ये सामना पाहण्याची संधी मिळाली तर आयपीएलच्या 14व्या हंगामासाठी चाहत्यांना मैदानावर प्रवेश मिळू शकेल.
ऑस्ट्रेलियात कसोटी मालिका जिंकल्याने भारतीय चाहते आनंदात आहेत. आता या आनंदात आणखी वाढ होणार आहे. गेल्या वर्षभरापासून कोरोनामुळे भारतात क्रिकेट सामने झाले नाहीत. भारतीय संघ आता एक वर्षानंतर घरच्या मैदानावर क्रिकेट खेळणार आहे.
