राजपाल यादव चेक बाऊन्स प्रकरण: सर्वोच्च न्यायालयाचा अभिनेत्याला कडक आदेश, इतके कोटी रुपये जमा करण्याचे आदेश
बॉलिवूड अभिनेता राजपाल यादवच्या अडचणी पुन्हा एकदा वाढत असल्याचे दिसत आहे. सर्वोच्च न्यायालयाने त्याला अनेक चेक बाऊन्स प्रकरणांमध्ये शेवटची संधी दिली आहे.
अभिनेता राजपाल यादवने दिल्ली उच्च न्यायालयाच्या एका चेक बाऊन्स प्रकरणातील निर्णयाविरोधात सर्वोच्च न्यायालयात धाव घेतली होती. आता, या प्रकरणाची सुनावणी करताना सर्वोच्च न्यायालयाने राजपाल यादवला शेवटची संधी दिली आहे.
न्यायालयाचे आदेश
न्यायालयाने राजपाल यादवला दोन आठवड्यांच्या आत ठोस पेमेंट प्रस्ताव सादर करण्याचे निर्देश दिले आहे. त्याला सर्वोच्च न्यायालयाच्या रजिस्ट्रीमध्ये २ कोटी रुपये जमा करण्याचे निर्देशही देण्यात आले आहे. सरन्यायाधीश सूर्यकांत आणि न्यायमूर्ती जॉयमाल्य बागची व व्ही. मोहना यांच्या खंडपीठाने राजपाल यादवला आत्मसमर्पणातून मिळालेली सूट ५ ऑक्टोबरपर्यंत वाढवली आहे. या प्रकरणाची पुढील सुनावणीही ५ ऑक्टोबर रोजी होणार आहे.
Edited By- Dhanashri Naik
