संबंधित माहिती
- ठाण्यात महिलेचा मृतदेह लटकलेला अवस्थेत आढळला
- ठाण्यात पाणी घ्यायला जात असलेल्या तरुणीचा विनयभंग, भावाने विरोध केल्यावर मारहाण
- ठाण्यात बांधकाम करताना मजुराच्या अंगावर विटा पडून मृत्यू
- ठाण्यात वेश्याव्यवसाय रॅकेटचा पर्दाफाश, तिघांना अटक; पाच महिलांची सुटका
- ठाण्यात उद्धव ठाकरेंच्या सभेपूर्व विरोधकांनी वादग्रस्त बॅनर लावले, गदारोळची शक्यता
महिलेने प्रायव्हेट पार्टवर चमच्याने हल्ला केला, बळजबरी करणारा व्यक्ती रुग्णालयात दाखल
राज्यात एका व्यक्तीच्या प्रायव्हेट पार्टला दुखापत झाल्याचे वृत्त आहे. ठाणे जिल्ह्यात एका 30 वर्षीय व्यक्तीने एका महिलेवर बलात्काराचा प्रयत्न केल्याचा आरोप आहे. त्यावर महिलेने त्याच्यावर चमच्याने वार करून त्याच्या प्रायव्हेट पार्टला जखमी केला. त्या व्यक्तीला तातडीने रुग्णालयात नेण्यात आले.
एका अधिकाऱ्याने सांगितले की, आरोपी अनिल सत्यनारायण रच्चा याने दारूच्या नशेत एका 26 वर्षीय महिलेसोबत तिच्या घरात गैरवर्तन करण्याचा प्रयत्न केला.
महिला आणि पुरुष एकमेकांना ओळखत असल्याचे पोलिसांनी सांगितले. शुक्रवारी सायंकाळी साडेचारच्या सुमारास रच्चा महिलेच्या घरी गेला आणि बळजबरी करू लागला. त्याने तिला अयोग्यरित्या स्पर्श केला असा आरोप आहे. स्वत:ला वाचवण्यासाठी महिलेने स्वयंपाकघरात धाव घेतली आणि चमचा उचलला. नंतर त्या व्यक्तीच्या प्रायव्हेट पार्टवर चमच्याने हल्ला करण्यात आला.
वेदनेने ओरडत रच्चा महिलेच्या घराबाहेर पडला. अधिकाऱ्याने सांगितले की, त्यांना रुग्णालयात दाखल करण्यात आले आहे. महिलेच्या तक्रारीवरून भिवंडी शहर पोलिसांनी रच्चाविरुद्ध गुन्हा दाखल केला आहे. आरोपी अद्याप रुग्णालयात असल्याने त्याला अटक करण्यात आलेली नाही.
