Recipe Tips : पराठे लाटताना फाटणार नाही या साठी या टिप्स अवलंबवा

Publish: Wed, 14 Dec 2022 (22:45 IST) Updated: Wed, 14 Dec 2022 (22:50 IST)

हिवाळ्यात पराठे खाण्याची मजाच वेगळी असते. बटाटा, मुळा, पनीर, मटार, कोबी यांनी भरलेल्या पराठ्यांची मेजवानी या दिवसात असते. ज्याची चव जवळपास सगळ्यांनाच आवडते. पण भरलेले पराठे बनवणे इतकं सोपं नाही. स्त्रिया अनेकदा तक्रार करतात की पराठे भरताना किंवा लाटताना फाटतात. त्यामुळे सर्व साहित्य बाहेर येते.असं होऊ नये या साठी पराठे बनवताना या छोट्या टिप्स फॉलो करा. ज्याच्या मदतीने तुमचा एकही पराठा फाटणार नाही. चला तर मग जाणून घ्या.

1 कणिक मळताना काळजी घ्या

भरलेले पराठे बनवताना मळलेली कणिक परफेक्ट असावी . कणिक खूप मऊही नाही आणि खूप घट्ट ही नको. अर्धा वाटी मैद्याचे चे पीठ एक कप गव्हाच्या पिठात मिसळल्यास चांगली मळलेली कणिक  मिळते. तसेच या कणकेत तेल किंवा तूप आणि एक चतुर्थांश चमचे मीठ घाला. कोमट पाण्याच्या मदतीने कणिक मळून घ्या आणि सुमारे 15 मिनिटे ठेवा. 

2 सारण परिपूर्ण बनवा-

बटाटा किंवा मटारचे सारण तयार करताना लक्षात ठेवा की  भाजीचे पाणी उकळल्यानंतर चांगले गाळून घेतले आहे भाजीमध्ये पाणी उरले असेल तर मॅश करण्यापूर्वी पॅनमध्ये ठेवा आणि हलके परतून घ्या. जेणेकरून सर्व ओलावा निघून जाईल. नंतर भाज्या मॅश करा.

3 तापमान योग्य असावे -

पराठे फुटू नयेत असे वाटत असेल तर सारण भरताना तापमानाची काळजी घ्या. स्टफिंग खोलीच्या तापमानापेक्षा कधीही थंड किंवा गरम नसावे. नाहीतर लाटताना पराठे फाटतील. 

तसेच सारण भरताना कणकेच्या पुरी प्रमाणे सारण ठेवा. पराठा जास्त भरला तरी फुटतो. त्यामुळे स्टफिंग फक्त एका बॉलच्या प्रमाणात भरा. अशा पद्धतीने सारण भरल्यास पराठे लाटताना फाटणार नाही. 

Edited by - Priya Dixit