भारत आणि पाकिस्तानमधील सुरू असलेल्या तणावादरम्यान भारतीय क्रिकेट नियामक मंडळाने (BCCI) शुक्रवारी एक मोठा निर्णय घेतला. तणावाच्या पार्श्वभूमीवर, बीसीसीआयने आयपीएल2025 चा हंगाम एका आठवड्यासाठी मध्यंतरी पुढे ढकलला आहे. ALSO READ: IPL 2025 : आयपीएलबाबत मोठी घोषणा, स्पर्धा अनिश्चित काळासाठी पुढे ढकलली बीसीसीआयचे उपाध्यक्ष राजीव शुक्ला म्हणाले की, सध्या लीग एका आठवड्यासाठी पुढे ढकलण्यात आली आहे. यानंतर आम्ही परिस्थितीचा आढावा घेऊ आणि निर्णय घेऊ. यासाठी बोर्ड एक स्वतंत्र कार्यक्रम जारी करेल.यापूर्वी, आयपीएलचे अध्यक्ष अरुण धुमल यांनी गुरुवारी रात्री सांगितले होते की सध्याच्या परिस्थितीत आयपीएलचा 18 वा हंगाम सुरू राहील, परंतु आता बोर्डाने तो पुढे ढकलण्याचा निर्णय घेतला आहे. ALSO READ: Rohit Sharma Announces Retirement रोहित शर्माने कसोटी क्रिकेटमधून निवृत्तीची घोषणा केली, इंग्लंड दौऱ्यापूर्वी घेतला मोठा निर्णय बीसीसीआयच्या एका अधिकाऱ्याने पीटीआय वृत्तसंस्थेने सांगितले की, देश युद्धात असताना क्रिकेट सुरू असणे चांगले दिसत नाही. आयपीएल 2025 चा हंगाम अंतिम टप्प्यात होता आणि अंतिम सामन्यासह एकूण 16 सामने खेळायचे बाकी होते. ALSO READ: IND vs PAK: आयसीसी स्पर्धेतही पाकिस्तान सोबत खेळण्यास गंभीरचा विरोध आयपीएल 2025 च्या हंगामाचा अंतिम सामना 25 मे रोजी कोलकाता येथे खेळवला जाणार होता, परंतु भारत आणि पाकिस्तानमधील वाढत्या तणावामुळे तो अनिश्चित काळासाठी पुढे ढकलण्यात आला आहे. यापूर्वी, पाकिस्तान क्रिकेट बोर्डाने (पीसीबी) पाकिस्तान सुपर लीग (पीएसएल) यूएईमध्ये हलवण्याचा निर्णय घेतला होता. Edited By - Priya Dixit
